Empreses asturianes nel SIMO

Entama güei en Madrid el SIMO TCI, la feria d'internet y nueves tecnoloxíes más importante del estáu. Lo que de mano yera una feria de material d'oficina, ye anguaño l'escaparate onde s'enseña lo más nuevo de la informática, tamién de l'asturiana gracies al puestu que tolos años pon ellí l'Institutu de Desarrollu Económicu d'Asturies (IDEPA, antiguu IFR). Anque la pequeña presencia asturiana ye pequena ente la bayura de puestos d'una feria qu'ocupa nueve pabellones, ello nun quita pa que seya curiosa, rescamplando ente les empreses asturianes que s'atechen nel puestu institucional la presencia de Trisquel. La casa d'A Veiga va emplegar esti SIMO TCI pa presentar, ente otres coses, dos webs interesantes como son la web del músicu asturianu Hevia y la d'Arpha, la fábrica de gaites que tien el gaiteru de Villaviciosa en Madrid xunta otros dos sociosTamién la casa asturiana Atica Software va tar con un puestu propiu pa presentar, como yá ficiere l'añu pasáu, el sistema de desarrollu de software de xestión y bases de datos Velazquez Visual, aplicación de munchu interés pa los profesionales de la construcción que. Pa quien vaya hasta Madrid a ver esta feria, informamos que lo mesmo'l puestu del IDEPA como'l de Ática tan los dos nel Pabellón 4.

Contador Estadistiques