Empiecen les obres de la depuradora de Villabona

Tienen un plazu d'execución de 28 meses.

La parroquia de Villabona va solucionar ún de los problemes que más esmolecíen a los vecinos de la zona. Les obres de la depuradora yá tán en marcha, con un presupuestu de 3.715.874 euros.

L'actuación inclúi una rede de colectores de cuasi 6 quilómetros de llargor, que va conducir los arramaos de Beyo, Villabona y La Vega a la EDAR pal so tratamientu correutu. La instalación va beneficiar de forma directa a unos 1.500 habitantes y, de manera indireuta, a tol conceyu de Llanera, gracies a la meyora que supón pal mediu rural el procesamientu afayadizu de les agües residuales.

La rede va tar formada por un colector interceptor y dellos colectores, concretamente los de Beyo y Cases de La Mina, y el que va conectar El Desvío con Alvares, que va tener un llargor de 5.895 metros. Tamién va cuntar con cuatro alliviaderos pal control de les agües. Pela so parte, la estación depuradora va tar compuesta por un desbaste gruesu, un bombéu, un pretratamientu onde se van esaniciar arenes, grases y esplumes, aireación enllargada y una filtración por membranes.