Emburrión pa la Vuelta a Asturies

La Unión Ciclista Internacional va entamar dende l'añu qu'entra una nueva categoría de prebes ciclistes de primer nivel. Nella, xunta les trés grandes rondes per etapes (Giro, Tour y Vuelta) van tar les meyores clásiques y les meyores carreres d'una selmana. La Vuelta a Asturies, que yá esti añu puntuó con una alta categoría nel calandariu UCI, va ser una de les poques carreres del estáu español na élite del ciclismu mundial. Xunta ella, la clásica de Donostia y les vueltes d'Euskadi y Cataluña.

Ello garantiza la presencia n'Asturies de los meyores equipos del pelotón mundial, que van tar amás preparando l'asaltu al Tour de Francia. Ello ye que, mientres hasta agora la Vuelta a Asturies se corría siempre delantre del Giro d'Italia, dende l'añu qu'entra va haber un cambéu de feches, pasando del mes de mayu al de xunu