Eleiciones al Parllamentu Européu del 9-X: preséntense 39 candidatures

El 9 de xunu celébrense eleiciones al Parllamentu Européu, nel que l’Estáu español va escoyer a los sos 61 europarllamentarios, 7 más que nel 2019. Pa esta cita presentáronse estes 39 candidatures, con ausencies y cambios na participación de los partíos asturianos.

El Boletín Oficial del Estáu (BOE) espublizó les candidatures presentaes a la cita coles urnes del 9-X, primer pasu enantes de la proclamación oficial de les mesmes el llunes. Son, al igual que va 5 años, 39 les que s’inscribieron a les Europees –al final la Xunta Eleutoral Central validaría 32–, anque hai delles novedaes.

No que respeuta a los partíos asturianos, Foro, que nel 2019 participó como Foro de Ciudadanos nes eleiciones al Parllamentu Européu, nun va facelo nesta ocasión. Naquella cita sumaría 14.175 votos (0,06 por cientu), 6.071 d’ellos n’Asturies.

Pela so parte, Andecha Astur nun apaez na llista d’Agora Repúbliques, que n’Asturies, de nun haber modificaciones na resolución del llunes, va tar nes papeletes como Ahora Repúblicas (ERC-EH BILDU-BNG-ARA MÉS), a diferencia de nel 2019 cuando s’imprimió Andecha Astur-Agora Repúbliques. Dende la formación nacionalista apuntaron a Asturies.com que’l partíu sí forma parte de la coalición, al igual que los canarios Ahora Canarias, anque na candidatura salen namás les formaciones con representación parllamentaria.

La previsión ye qu’haya un actu eleutoral n’Asturies cola presencia de Pernando Barrena, d’EH Bildu, que caltién el númberu 2 d’una candidatura que lidera la independiente catalana Diana Riba, qu’ocupaba’l 3 va cinco años. Agora Repúbliques cuenta con 3 europarllamentarios al sacar 1.252.139 votos (5,58 por cientu), 1.902 nel país.

Otra manera, l’únicu europarllamentariu asturianu, Jonás Fernández Álvarez, repite na llista del PSOE, ameyorando posición. Si nel 2019 diba nel númberu 17, agora asciende al 7.

Éstes son les 39 candidatures presentaes y el so cabeza de llista:

• PSOE: Teresa Ribera.
• PP: Dolors Montserrat.
• Ciudadanos-Partido de la Ciudadanía: Jordi Cañas.
• Podemos: Irene Montero.
• VOX: Jorge Buxadé.
• Ahora Repúblicas (ERC-EH BILDU-BNG-ARA MÉS): Diana Riba.
• Junts i Lliures per Europa: Toni Comín.
• Coalición por una Europa Solidaria (CEUS): Oihane Agirregoitia (EAJ-PNV).
• Izquierda Española: Guillermo del Valle.
• Frente Obrero: Roberto Vaquero.
• Ahora Andalucía: Francisco Javier García Fernández.
• Iustitita Europea: Luis María Pardo.
• Escaños en Blanco para Dejar Escaños Vacíos: María Teresa Lou.
• Corriente Revolucionaria de los Trabajadores: Pablo Acedo.
• Feministas al Congreso: Juana Gallego.
• Partido Comunista de los Trabajadores de España: Javier Martín Rodríguez.
• Coalición Partido Comunista de los Pueblos de España / Partit Comunista del Poble de Catalunya: Julio Díaz Díaz.
• Salamanca-Zamora-León PREPAL: Francisco Iglesias.
• Partido Libertario: Javier Pérez Valladares.
• Sumar: Estrella Galán.
• Partido Animalista con el Medio Ambiente (PACMA): Cristina García Salazar.
• Cree en Europa: César Vera.
• País i Moviment Rural: Ramón Luis Lletjos.
• Agrupación de Electores ‘Se Acabó la Fiesta’: Luis (Alvise) Pérez Fernández.
• Futuro: David Jiménez Barajas.
• La España Olvidada Existe-Municipalistas-Mundo Justo: Tomás José Guitarte (Teruel Existe).
• Falange Española de las J.O.N.S.: Norberto Pedro Pico.
• Soberanía Alimentaria Española: Alexis Codesal.
• Juntos por Extremadura: Raúl González Holgado.
• Partido Humanista: José Luis Álvarez Cedena.
• Volt España: Clara Panella.
• Recortes Cero: Nuria Suárez Hernández.
• Espacio Amplio Paz Soberanía República: Carlos María Asunción Martínez García (PSLF).
• Fiel: Juan José Cortés.
• Izquierda por España IZQP-DEf-UNIDOS: Enric Martínez Herrera.
• Extremeños PREX CREX: Casildo Rodríguez Serrano.
• Partido Galego: Olga Dourado.
• Pirates de Catalunya-European Pirates-Alianza Rebelde: Muriel Rovira.
• Nuevo Extremeñismo-Adelante Extremadura: Gerardo Rubio.

Na imaxe, una votación del últimu Plenu del Parllamentu Européu, celebráu'l 25 d'abril. Semeya obra de Daina Le Lardic y propiedá del Parllamentu Européu.