Elecciones en Galicia

Galicia entamó esti fin de selmana una campaña electoral que pue dar un reblagu nel panorama políticu. El candidatu del PP Manuel Fraga, que lleva gobernando na comunidá vecina dende 1989, enfréntase a una convocatoria electoral pa la que les encuestes, por primer vegada en quince años, pinten bastos. Los 83 años del candidatu popular, que pue convertise nun de los cargos políticos públicos más vieyos del mundu, pesen en contra de les sos posibilidaes, neto que'l malcontentu qu'hai en dellos sectores de la sociedá gallega pola política del PP y el puxu que-y pue dar al principal rival electoral del PP nes encuestes, el PSDG- PSOE el fechu de que en Madrid gobierne agora Zapatero. El candidatu socialista Pérez Touriño ye'l sgundu en discordia según les encuestes, pero paez difícil que pueda ganar. Pela so parte, el BNG llega nun momentu de cambéu de líder tres del abandonu de Beiras, que dexó un güecu que nun se sabe como va enllenar Anxo Quintana. Casu de nun conseguir el PP la mayoría absoluta nel parlamentu gallegu, una alianza PSOE-BNG paez dalgo posible, anque nun ye de descartar la quinta absoluta de Fraga. Por de pronto, convidamos a los nuestros llectores a facer pronósticos en Conceyu Abiertu sobre les elecciones de los nuestros vecinos: ¿Quién va gobernar en Galicia tres del 19 de xunu?