El xueves terminó ensin nenguna muerte rexistrada por COVID-19

Deteutáronse 3 contaxos na xornada.

Los datos de la COVID-19 últimos, actualizaos a la medianueche d'ayeri, nun rexistraron muerte nenguna n'Asturies depués de que na xornada anterior hubiera una. El martes tampoco finó nenguna persona, al igual que'l vienres, mentes que'l sábadu, el domingu y el llunes llamentamos una cada día.

Onde sí hebo un aumentu foi nos contaxos, 3 na xornada tres el procesamientu de 1.760 muestres por PCR, depués de l'ausencia de positivos del miércoles. Asina, la cifra total asciende a 2.403.

Na UCI siguen ingresaes 10 pacientes, menos qu'en planta hai 3 menos que'l miércoles, 29. Les persones con alta epidemiolóxica aumenten a 1.651 coles 68 curaciones d'ayeri.