El XIII SISGA axunta a 92 llagareros de tol mundu

El pabellón de congresos del Recintu Ferial Luis Adaro acueye la preba abierta al públicu.

Dende ayeri y hasta'l domingu ta celebrándose'l XIII Salón Internacional de les Sidres de Gala (SISGA), alcuentru de profesionales del sector entamáu pola Fundación Asturies XXI qu'axunta a 92 llagareros procedentes de países de tol mundu con una programa ampliu col oxetivu de dar a los participantes internacionales la visión más amplia y veraz de la cultura sidrera asturiana. Ente los eventos, rescampló una presentación de sidra xaponesa que se celebró güei nel Muséu de la Sidra de Nava.

Esta bébora fecha nel llonxanu oriente va tar mañana a disposición del públicu que s'avere a la preba abierta ne Feria, al igual que la del restu de productores asistentes al SISGA. Va celebrase de 12 a 15 y de 17 a 20 hores, con entrada a 10 euros, una oportunidá pa conocer 287 variedaes sidreres de trés continentes (sidra brut, de mesa, de xelu, de fueu...), charrar colos propios ellaboradores o inclusive mercar dalgunos de los productos, y participar en presentaciones o charres.

Pue consultar la programación completa del SISGA calcando nesti enllaz.

Na semeya, el xaponés Tatsuro Fuji, del llagar Fukiware Cidrerie, que presenta la so producción nel SISGA.