El xigante del aceru

La entrada d'Aceralia na corporación siderúrxica europea Arcelor yá ye una realidá. Los accionistes de la empresa española, con importantes fábriques n'Asturies, aceptaron la OPA d'Arcelor, que consiguió'l 94% de los títulos d'Aceralia. La noticia salió xusto cuando Aceralia anunciaba'l resultáu del añu 2.001, en que ganó 217,1 millones de euros, el 40% menos que nel 2.000, que tuvo un resultáu espectacular.El llunes el nuevu xigante del aceru entra a cotizar en bolsa. El so valor ye de 7.046 millones d'euros (1,2 billones de pesetes).