El Xapón remembra la bomba atómica

El Xapón celebra tolos seyes d'agostu'l cabudañu de la bomba atómica d'Hiroshima, murniu episodiu qu'echó'l piesllu, xunta la bomba de Nagasaki, a la Segunda Guerra Mundial. Aquel día, una bomba namás mató a más de 70.000 persones, abriendo una época nueva na historia de los medios d'aniquilación masivo y esfaltando'l camín hacia la guerra fría, pero si l'aniversariu d'esti añu ye noticia ye porque, per primer vez, l'alcalde d'Hiroshima aprovechó l'actu conmemorativu pa falar de cuestiones contemporanies. Tadatoshi Akiba echó pa contra los EEXX pola so campaña de guera nel Afganistán y les represalies internacionales que tien entames esti país depués de los atentaos del 11-S. El alcalde xaponés, que convidó a George Bush a visitar la ciudá y a acabar cola so política guerrera, "la experiencia de les víctimes ta esborriándose de la memoria colectiva del ser humanu".Na rede hai recursos a mamplén sobre la primer bomba atómica de la historia. El web de la Fundación pola Paz na Era Nuclear tien un especial sobre'l desarrollu d'estes bombes, que ñacieron al abellugu del nomáu "Proyectu Manhattan" un plan secretu de los EEXX y el Reinu Xuníu que de mano taba pensáu pa tirar la bomba n'Alemaña

Contador Estadistiques