El votu emigrante pue decidir el resultáu

Cola circunscripción central con namás 45 votos más al favor del PSOE que del PP, el votu emigrante va decidir les diferiencies finales nel procesu electoral asturianu. Na Xunta Electoral Central, órganu dependiente del Ministeriu del Interior, remataba güei a les ocho de la mañana'l plazu pa recibir votos de los asturianos y asturianes de la diáspora, una comunidá na que tienen derechu a votu 52.269. persones, más del 5% del censu electoral. Los datos del recuentu podríen tardar en sabese, en cuantes que se recibieron per corréu más de14.000 papeletes d'emigrantes asturianos, númberu que dobla la participación respective a 1.999 y que va facer que tarde más el procesu de recuentu.

El votu emigrante ye tradicionalmente favorable al PSOE, pero la participación tan alta d'esti añu nun permite albidrar nada definitivo. Como amuesa, nes autonómiques de 1999 el PSOE sacó 3.775 votos, 1.610 votos más que'l PP, que quedó con con 2.173, mientres que per Izquierda Xunida salieron 479 papeletes.