El vienres espérense temperatures de cuasi -2 graos n'Uviéu

La Conseyería de Salú allarga a la fin de selmana l'alerta por baxes temperatures nel país activada'l llunes per segunda vez esti añu.

Les previsiones de l'Axencia Estatal de Meteoroloxía (AEMET) anuncien temperatures de -1,7 graos n'Uviéu esti vienres, población de referencia nel país pa tomar midíes énte episodios de fríu y calor estremu. Esta estimación indica que van superase les mínimes que pueden suponer un riesgu pa la salú de la población más vulnerable, por exemplu, les persones ensin llar, les que sufren probitú o tienen baxu estatus económicu, les mayores de 65 años y les muyeres qu'esperen un críu.

Por esti motivu prollóngase l'alerta por fríu de nivel 1 (riesgu baxu) n'Asturies hasta la fin de selmana. La conseyería recomienda cuidar a la población más feble y aumentar la precaución en casu de xelu nes cais pa torgar cayíes.

Na semeya, un paisaxe con nieve nel conceyu de Llaviana, cerca de Villoria.