El V Concursu de Poesía Francisco de la Vega pon de tema 'Ecos del pueblu'

El Conceyu d'Onís crea pa esta edición dos modalidaes: llingua asturiana y castellana.

Francisco de la Vega, escritor nos dos idiomes, da nome a esti concursu de poesía que tien como carauterística la esistencia d'una temática a tratar nes creaciones presentaes. Nesta ocasión ye 'Ecos del pueblu' col enfotu de dedicar esta quinta edición "a la importancia de los pueblos nel nuestru espoxigamientu como sociedá y poner de relieve la tresformación de los mesmos, lo que fueron y lo que son".

Pueden participar nel Concursu de Poesía Memorial Francisco de la Vega d'Onís, que l'añu pasáu incorporó per primer vez l'asturies, mayores de 18 años con un máximu de 3 poemes por persona. Éstos, llibres o de composición rimada o estrófica, han unviase per corréu electrónicu o postal enantes del 30 d'abril.

El ganador en cada modalidá –va haber un xuráu pa les obres n'asturianu y otru pa les escrites en castellanu– va llevar 200 euros, un llibru del Conceyu d'Onís y un diploma. La entrega de premios va celebrase en xunetu o agostu, nuna fecha entovía por confirmar.