El 'Universal Poem' espera versos n'asturianu

Esti proyeutu artísticu busca dar forma a un poema infinitu multillingüe fechu en comuña.

El miércoles echó a andar colos primeros versos escritos polos usuarios el 'Universal Poem', propuesta del festival madrilanu Poetas que naz cola intención de que cada ser humanu participe na formación del "poema de tola nuesa especie; un poema ensin final; el poema de tola humanidá; un poema universal". Ésti nun para de medrar –yá supera les 8.000 creaciones– y persones como'l poeta burgalés nacíu en Basauri Juan Carlos García Hoyuelos animen a incorporar al mesmu versos n'asturlleonés y n'otres llingües ibériques minorizaes.

Los ciudadanos que quieran participar han d'entrar na web del proyeutu artístiticu y social y "escribir un versu que te represente", espliquen los sos entamadores, con una estensión máxima de 70 caráuteres. "Usa'l to idioma", encamienten.

Na imaxe, entamu del 'Universal Poem'.