El TSXA da la razón a Foro y manda repetir el votu emigrante pola circunscripción occidental

El Tribunal Superior de Xusticia d'Asturies da la razón al partíu de Francisco Álvarez-Cascos y manda repetir les eleiciones ente la emigración por occidente. D'esta forma, Foro recupera pel momentu'l diputáu que perdiera col votu emigrante.
 
Sicasí, el PSOE tendría la oportunidá de recuperar esti escañu de repetise’l mesmu resultáu ente'l votu emigrante. La votación nueva daríase nun plazu de trés meses, lo que ralentizaría la constitución del Gobiernu del país nun momentu complicao por mor de la crisis. De momento, la sesión constitutiva de la Xunta Xeneral prevista pa esta mañana va celebrase con 44 diputaos, esto ye, ensin el del PSOE por occidente que ganara gracies al votu emigrante.
 
El PSOE yá anunció que va recurrir la decisión al Tribunal Constitucional y solicitará-y que ratifique la decisión de la Xunta Eleutoral de dar por válidos los votos de la emigración. Sicasí, nun paez qu’esti recursu vaya a prosperar.