El Tsunami Xixón cubre les baxes del cartelu

Dos de los grupos nuevos van tocar el vienres y l'otru, el xueves, mentes qu'Anabel Lee camuda de día y pasa definitivamente al sábadu.

El Tsunami Xixón yá tien sustitutos pa La Élite, Strangis Guajes y International Hardcore All Stars, les trés bandes que decidieron nun participar nel festival depués de la polémica xenerada pola semeya asoleyada por VOX na sede del partíu na qu'apaecía'l conceyal y agora presidente de Divertia, Óliver Suárez Rubio, con responsables del eventu que va tener llugar del 27 al 29 d'esti mes nel Parque Inglés (Hermanos Castro).

Fe de Ratas va tocar el xueves, mentes que Lendakaris Muertos y Sons of Aguirre & Scila van facelo'l vienres. Otra manera, Anabel Lee va camudar de día, pasando del vienres al sábadu.

Na semeya, un momentu de l'actuación de Flogging Molly na edición pasada del Tsunami.