El Trisquel celebra'l so aniversariu con Toli Morilla

El local xixonés El Trisquel ta de fiesta de cumpleaños, y pa celebrar el so XIII aniversariu entama una fiesta que va tener la música en directo de Toli Morilla.

Esti local xixonés lleva siendo abellugu de la música asturiana en Xixón bien d'años. Namás abrise, allá pel 1983, foi ún de los pioneros en poner música folk, lo que lu convertió nun llugar de reunión pa los músicos folk xixoneses, arriendes de bien d'asturianistes que daquella yá s'organizaben en Xixón en dellos colectivos. Asina El Trisquel, a parte de milenta conciertos y jam sesions, tamién llegó a sirvir como local d'ensayu pa dalgunos grupos que güei siguen tocando pelos escenarios asturianos, y que daquella nun teníen fácil topar un sitiu onde ensayar. Dempués de tantos años, y con un cambeo d'ubicación pel mediu, El Trisquel sigue calteniendo'l so espíritu abiertu a toles músiques y ambientes, pero caltién una atención especial al folk asturianu y a la música fecha n'asturianu. Esti espíritu va celebrase esti xueves día 1 de xunu nel Trisquel, que ta asitiáu na cai Marqués de San Esteban de Xixón, nel son XXIII aniversariu, que va contar a partir de les 21:30 cola música d'una gran amigu del chigre, el cantautor asturianu Toli Morilla.