El Tribunal de Madrid anula la llinia Lada-Velilla

El Tribunal Superior de Xusticia de Madrid
anuló'l proyectu d'execución de la llinia d'alta
tensión de 400kv que Rede Eléctrica de España (REE)
quería poner ente Lada (Llangréu) y Velilla del Río
Carrión en Palencia, pasando pel Parque de los Picos d'Europa. La sentencia del TSJM respuende a un recursu presentáu pol Conceyu llionés de Burón, que foi el primeru en poner leitu contra la llínia, xuntándose depués a la demanda de Burón les de Riaño, Boca de Huergano y otros conceyos de la comunidá vecina, colo que ta por llegar una riestra de sentencies sobre esti asuntu, que tamién ta estudiando la Unión Europea. La negativa xudicial a llevar alantre la llinia como taba pensada nun significa que nun pueda facese, y asina REE siempre puede plantegar una opción que nun pase pel Parque natural, casu de la que llegó a estudiar y que pasa per fuera del Parque hasta llegar a Cistierna, anque'l proyectu de REE de tener la llinia puesta en serviciu pal 2.005 pue sufrir retrasos