El tribunal da-yos la razón a los veterinarios

Va unos díes, Asturies.com daba la noticia de que la Conseyería de Mediu Rural taba mirando de privatizar les campañes d'atención veterinaria que fai tolos años mediante un contratu cola empresa Tragsatec. Sindicatos y agrupaciones polítiques denunciaron qu'esti contratu priváu diba salir más caru y qu'amás namás diben contratase la metada de veterinarios qu'otros años. Esti intentu de privatización tien que ver cola reivindicación del colectivu de veterinarios que tolos años faen la campaña de que la Conseyería los reconoza como trabayadores venceyaos a ella. Agora, una sentencia xudicial vien a da-yos la razón, y obliga a la Conseyería a aceptar la vinculación llaboral de los veterinarios, que lleven dalgunos más de diez años trabayando neses campañes