El tártaru de Crimea gana n'Eurovisión

La representante d'Ucrania Jamala llevó'l certame con un cantar qu'inclúi una estrofa nesta llingua minorizada.

El cantar, con un componente políticu claru nun país en conflictu con Rusia por Crimea, lleva'l nome de '1944' y fala del esiliu que vivió'l pueblu tártaru residente na península esi añu tres ser acusáu de collaboracionismu colos nazis pola Xunión Soviética. El tema, interpretáu pola kirguiza d'orixe tártaru Jamala, ye n'inglés, anque repite en dos ocasiones una estrofa en tártaru de Crimea, llingua minorizada: "Yaşlığıma toyalmadım / Men bu yerde yaşalmadım / Yaşlığıma toyalmadım / Men bu yerde yaşalmadım".

España, por contra, renunció per primer vegada al castellanu, pero non p'apostar por dalguna de les otres llingües del Estáu, sinón pol inglés, siguiendo'l mesmu camín que la inmensa mayoría de participantes. La cantante madrilana finó nel puestu 22 de 26 al sumar 77 puntos col so 'Say yay!'.