El Sporting yá tien más de 600 socios nuevos

La pretemporada del equipu asturianu va meyor que nunca. Dempués de ganar el sábadu al Llealtá de Villaviciosa por cero a cinco, con gol incluyíu del nuevu fichaxe Calandria, el Sporting enfréntase esta tarde en Sotrondio al Samartín. Sicasí, la noticia ta fuera de lo deportivo, y ye'l bon ritmu de venta d'abonos.

Cuando entovía falta mas d'un mes pal entamu de la competición, los socios antiguos tan renovándo bien apriesa l'abonu pal 2.004, pero amás l'equipu de Xixón cuenta yá col alta de más de 600 socios nuevos, un récord dende que l'equipu ta en segunda. La entidá márcase un oxetivu ambiciosu, que ye'l de llegar a los 20.000 socios esta campaña, pa lo que ta calteniendo los precios del 2.003.