El Sporting y l'Uviéu participen nuna campaña de promoción del idioma

'Col asturianu, xugamos toos nel mesmu equipu' reza l'eslogan promocionáu por Planificación Llingüística y Normalización.

D'esta forma, la direición xeneral encargada de la política llingüística, tal como anunciara'l conseyeru Genaro Alonso, pretende aprovechar los espectáculos deportivos que se celebren n'Asturies pa promocionar l'idioma. Asina, los dos clubes de mayor siguimientu nel país, el Sporting y l'Uviéu, son los primeros en participar nesta iniciativa.

Dambos conxuntos incorporaron el cartelu d'esta campaña nes sos páxines web. Inclusive'l conxuntu xixonés emplegó l'asturianu nes redes sociales p'anunciar el partíu de los d'Abelardo de mañana con Las Palmas (18.15 hores, El Molinón).