El Sporting queda a tiru piedra de los sos rivales

El Sporting perdió en Terrassa un alcuentru nel que venti minutos de bon xuegu nun foron abondo pa tapar un partíu tristayu nel que los de Marcelino nun tiraron a puerta más qu'una vez en tola primer parte.

Namás saltar al campu, Quique Martín garró nun renunciu a la defensa asturiana y marcó'l gol del trunfu pa los de casa. El tantu dexó a los asturianos n'ayén, y el desarrollu de tola primer parte demostró la enquivocación del entrenador de Careñes, que fizo un apueste por Rubén y Bilic nel ataque. El croata quedó anuláu polos sos marcadores y Ruben, anque mui trabayador, nun foi tampoco a llibrar del pegamentu de los defenses catalanes. Mientres, el Terrassa creaba xuegu y ocasiones, y poco faltó pa que Monty marcare'l dos a cero.

Nel segundu tiempu, el Sporting escosó los cambeos y meyoró muncho, tanto que forzó al Terrassa a defender el resultáu con una ensalada de faltes y entraesantirreglamentaries que dexaron al equipu con 9 futbolistes. Con too y con ello, el Sporting nun foi a marcar nin siquiera'l gol del empate. Anque Juan y Pablo Alvarez pudieron facelo, ello nun llimpia la imaxe del Sporting, que nun fizo otro que colgar balones al área pero ensin profundidá nel xuegu.

La derrota en Terrassa arrima muncho al Sporting colos equiposque lu persiguen. Agora mesmo, l'Alavés taados puntos y el Getafe a trés puntos d'un Sporting que cumple quince xornaes en plaza d'ascensu. Al conxuntu asturianu quéden-y 10 partíos per delantre, 6 d'ellos a xugar en casa, y Marcelino García diz que s'enfota nel ascensu.