El Sporting presenta bona traza

Anque'l xuegu del Sporting nun foi mui bueno, foi quien a facése con una victoria énte'l Celta gracies a un golazu de Javi Fuego.

El Sporting de Xixón nun convence por xuegu pero si por resultaos, tres de dos vistories seguíes munchos aficionaos del quieren ver nesti equípu'l mesmu qu'ilusionó l'añu pasáu. Y eso que'l rival, el Celta de Vigo, yera un rival difícil por dos razones, po la so historia y potencial y pola necesidá que tien de demostrar rápidamente que ye una candidatu al ascensu. Poro, los gallegos nun lo punxeron fácil a los xixoneses y na primer parte tuvieron delles ocasiones pa ponése per delantre nel marcador y dominar el partíu, pero la xera complicose-yos enforma al quedar con un xugador menos por espulsión de Nagore. Con too y con ello, el Sporting contó ayeri con un xugador que consiguió desiquilibrar el centru del campu celtiña, y que remató la so perbona actuación col gol del partíu, nel minutu 56 Javi Fuego enganchó un trallazu dende más de 30 metros al que Pinto nun llegó por bien poco.

D'esta manera el Sporting de Xixón s'engancha al grupu de cabeza nel séptimu puestu, y a asegura unos puntos que pueden venir mui bien al final de temporada. El xuegu del sporting tien muncho que meyorar, pero les dos victories pueden sirvir pa dar la tranquilidá que l'equipu necesita pa sacar el so meyor xuegu.