El Sporting nun ye a puntuar en Xerez

El Sporting de Xixón perdió pola mínima col Xerez nun partíu en que los asturianos nun foron acaltener la llinia de meyora que llevaben de va unes selmanes p'acá. (1-0)

El Sporting trabayó muncho, pero ensin ser a crear ocasiones de gol nin tampoco dar impresión de ser superior al conxuntu andaluz. L'entamu delpartíu foi mui abiertu, y hebo ocasiones pa los dosequipos, con una parada de Roberto y otra d'Iglesias, el porteru avilesín del Xerez, pero en pasando'l primer cuartu d'hora llegó una fase d'allancamientu naque un se fizo un xuegu prestosu por parte de nengún de los dos equipos, dando'lSporting la imaxe d'un equipu feble y mal organizáu.

Nel segundu tiempu, el Xerez salió revolucionáu y a los nueve minutos forzó un córner que Roteta aprovechó pa marcar a la media vuelta'l gol que-yos daba'l trunfu a los de casa. El Sporting quixo esconsoñar y metió-y más ritmu al so xuegu.Asina llegó nel minutu 66 la ocasión d'Ismael, que tuvo nun tris d'empatar, pero Francis torgó la xugada del delanteru sportinguista. Colpartíu acabando,Lekic pudo facer el 2-0, pero estrelló la pelota na madera,acabando poco dempués un partíu aburríu y estrau d'interrupciones