El Sporting entama la precampaña

El delanteru arxentinu Pablo Calandria, procedente del Leganés, ye la única novedá cola que va presentase mañana vienres a les 12 n'Estadiu de El Molinón el Sporting de Xixón. L'equipu más importante del futbol asturianu enfréntase a una campaña na que van faltá-y dellos de los pegoyos del bloque na campaña anterior, casu del defensa Yago, el delanteru Bilic o el central Borreguero, que ta nun tris de colar pal Elche. Con ello, Marcelino va xubir de los filiales a cuatro futbolistes, que son Ibon Díaz, Miguel Carmena, Jesús María López, y Rafa Belda.

El debú del Sporting 2004-2005 va ser esti sábadu 24 enVillaviciosa col Llealtá a les siete y media de la tarde, xugando'l siguiente partíu col San Martín de Sotrondio'l miércoles 28. El calandariu de la pretemporada sigue col Marino de Lluanco (31 xunetu), Ponferradina (4 agostu), Ferrol (7 d'agostu), Racing de Santander (11 agostu), contra'l Valladolid en L.luarca (14 d'agostu) y otra vuelta col Racing de Santander, nesta ocasión n'El Molinón (22 d'agostu dientro del Torneu Villa de Xixón).