El Sporting dexó un puntu en casa

El Lleida y el Sporting xugaron ayeri un partíu intrescendente pal Sporting, que yá tienen la lliga fecha. Distinta yera la situación pal Lleida, que tenía de volver d'El Molinón con un bon resultáu si nun quería vese con problemes pa caltener la permanencia. Más trabayadores, los catalanes adelantáronse en marcador nel minutu 14 gracies a Catalá, qu'aprovechó una fallu ente'l porteru Roberto y los sos xugadores. Foi l'únicu tiru a puerta d'un Lleida que tampoco fizo más méritos. Nel segundu tiempu, y col públicu cansu yá del triste espectáculu que desenrrollaben los dos equipos, el Sporting supo facer unos diez minutos últimos un poco más entreteníos. Foi asina que llegó'l gol, obra d'Arthuro. El brasileñu remató de cabeza tres d'un centru de Pablo Lago que pasó primero per manes de Juan. Pudo llegar el trunfu tamién, pero faltó rixu.