El Sporting despidió l’añu ganando

Pablo Álvarez marcó de cabeza pal Sporting nel últimu minutu'l gol del trunfu énte ún Alavés que yá tenía garantizáu l'ascensu a primera.

El Sporting foi de menos a más en Mendizorroza contra un Alavés que taba de folixa celebrando l'ascensu matemáticu a primera énte la so afición. Sicasí, el públicu del Alavés marchó col chascu de ver como'l Sporting ganaba pola mínima y l'Alavés baxaba hasta la tercer plaza final cuando tenía en sos manes ganar la lliga. El partíu foi mui aburríu nel primer tiempu, mientres que nel segundu hebo más alternatives. El porteru del Sporting, Rafa, igüó la mala actuación de la otra selmana en Molinón y paró delles entraes de los delanteros vascos, aprovechando a la fin el Sporting una de les últimes contres de la tarde pa marcar graciesa Pablo Álvarez, ún de los munchos xugadores que seguramente nun van tar n'equipu pal añu qu'entra.