El Sporting, campeón d’inviernu tres d’empatar en Málaga

El Sporting de Xixón acabó líder de la primer vuelta en Segunda división tres del empate a cero goles qu'algamó nel estadiu de La Rosaleda contra'l Málaga B, segundu pela cola de la tabla. El Sporting foi p'Andalucía estráu de baxes, y marcelino tuvo que poner a tolos suplentes, ente los que rescampló'l defensa holandés Jeffrey Hoogervorst.

El partíu entamó col Sporting apretándo-y al rival, pero la espulsión del defensa Vázquez nel minutu 39 dexó al equipu asturianu en cuadru. Con too y con ello, el Málaga B tuvo delles ocasiones na primer parte, casu de la de Geijo nel minutu 6 o la de Merinonel 35, qu'obligó a trabayar bien a Roberto. El Sporting xugó meyor depués de la espulsión de Vázquez, y tuvo una ocasión clara de gol con Bilic y Miguel, pero l'equipu acusó'l desgaste nel segundu tiempu, nel que xugó a la defensiva, anque ensin dexar en nengún momentu al Málaga B entrar al área y faciendo la contra a la mínima ocasión. Sicasí , Merino volvió a crear peligru nel 65, xustificando la paga del porteru Roberto.

Ensin dulda, l'árbitrio Orueta Ibarrola contó muncho nel resultáu final. Aparte de la espulsión de Vázquez, el vascu saco-yos la papeleta mariella al entrenador y al físicu del Sporting, que va recuperar a bien de titulares pal partíu col Alavés, rival directu pol ascensu.