El Sporting - Cádiz, esti domingu per Localia

La canal de TV Localia Televisión va tresmitir esti domingu, dende les 7 de la tarde, el partíu de fútbol ente'l Sporting de Xixón y el Cádiz. Va ser el cuartu partíu seguíu del Sporting que tresmitan les canales de TV dempués de que'l trunfu na Condomina se viere per Localia, el Sporting-Celta saliere al aire pela señal codificada de Canal+ y de que'l Ferrol-Sporting de la otra selmana apaeciere nes ondes al traviés de la canal autonómica gallega.

En cuantes a la marcha del equipu, qu'arrastraba abondes baxes, Ángel Pérez, y Bauzá ya s'entrenen colos demás compañeros, mientres qu'Ibon va recuperar el contactu col balón estos díes. Jeffrey yá fai carrera continua y entrará a lo llargo de la selmana al entrenu normal, colo que ye fácil que tea disponible pal domingu. El que ye baxa ye Pablo Lago, que yá vieno mancáu de Ferrol. La baxa fixa ye la de David Bauzá, que se recupera de la operación de'osteopatía de pubis y dos hernies que-y ficieron en xunu

Lo que nun-y ta prestando muncho a l'afición ye la presencia del árbitrio José Luis González pal partíu col Cádiz, y ye que'l refrí del Bierzu echó en Vallecas la campaña anterior a Marcelino, Cristian y Sastre nun partíu que los asturianos acabaron perdiendo por 2-1.