El socialista Pedro Sanjurjo, presidente d’una Xunta Xeneral con 44 diputaos tres el fallu del TSXA

L’ex conceyal xixonés Pedro Sanjurjo va a presidir la Xunta Xeneral, que hasta la votación nueva de la emigración va tener 44 diputaos. Foro decidió a última hora nun presentar candidatu pese a que diba contar col sofitu del PP.

Sanjurjo algama la presidencia tres un alcuerdu ente tolos grupos políticos pol que los cincor partíos van tener represntación na Mesa de la Cámara. Asina, la vicepresidencia primera va ser pa Pelayo Roces (Foro); la segunda, pa José Luis Cuevas-Mons (PP); la secretaría primera, p'Aurelio Martín (IX); y la segunda, pa Ignacio Prendes (UPyD).
 
El socialista, que sustitúi al popular Fernando Goñi al frente de la Xunta Xeneral, consiguió'l cargu na segunda votación por mayoría simple al conseguir 22 apoyos (PSOE, IX y UPyD) y sumar 22 astenciones (Foro y PP).