El Sevilla homenaxa a Campanal col himnu d'Asturies a la gaita na megafonía del Pizjuán

|
Sevilla homenaxe a Campanal

L'avilesín nacíu en Xixón, lleenda sevillista y futbolista asturianu con más temporaes en Primera, finó esti llunes a los 89 años.

Marcelino Vaquero, conocíu como Marcelo Campanal, llevaba ingresáu dellos díes na Fundación Hospital d'Avilés. Finalmente ayeri abandonábanos, dexando una gran buelga en Sevilla y dellos rexistros importantes, ente ellos dellos récors estatales como atleta veteranu depués de la so retirada.

Tres pasar per dellos clubes llocales, llegó al Avilés, dende onde dio'l saltu al Sevilla de la mano del so tíu Guillermo. Nel equipu de Nervión debutó a los 19 años y convirtióse en lleenda, con 16 temporaes defendiendo los collores sevillistes en Primera, siendo'l futbolista asturianu con más campañes na máxima categoría (17) al sumar una más col Deportivo.

Pa recordar al so ex futbolista na década de los 50 y 60, el club andaluz emplegó anueche la megafonía d'un vacíu Ramón Sánchez-Pizjuán, ilumináu nel so esterior coles sigles 'DEP', pa facer sonar a la gaita l'himnu d'Asturies y el del centenariu del Sevilla.

Contador Estadistiques