El SESPA reorganiza los tiempos na Atención Primaria pa potenciar la presencialidá: un mínimu de 18 consultes diaries

|
Concepción Saavedra presencialidá

L’ameyoramientu de la situación epidemiolóxica y l’avance de la vacunación lleva al Serviciu de Salú de Principáu d’Asturies (SESPA) a reorganizar tiempos y axendes n’Atención Primaria p’aumentar la presencialidá. Cada médicu va tener 43 güecos, destinándose un mínimu de 18 pa consultes in situ con un llargor de 8 a 10 minutos.

La xerente del SESPA, Concepción Saavedra, informó d’esta situación nueva, que se va poner en marcha’l 1 de xunu, xunto con Óscar Suárez, coordinador de Xestión Asistencial, cambios “que sólo suponen una optimización de les axendes y de los tiempos, con incrementu de la presencialidá yá esistente”. Un modelu que, aseguraron, pretender dar flexibilidá a los médicos na xestión de la so axenda, que va contar con 43 güecos.

“Los profesionales d’Atención Primaria son los que decidirá qué tipu d’atención necesita cada paciente y cuándo”, apuntó Saavedra. Como hasta agora, l’usuariu ha llamar al so centru de salú pa comunicar la so consulta, momentu nel que se valorará si se fai de manera presencial o de manera telefónica, reservándose una parte parte de l’axenda pa xestión propia del médicu “como pue ser l’atención a pacientes crónicos o a determinaos procesos agudos que detecta neses consultes telefónques”, esplicó Suárez.

De los 43 güecos de l'axenda de los que 18 van destinase, como mínimo, a la presencialidá en cites de 8 minutos, anque nun ye daqué ríxido, porque caún va poder organizase y dedicar hasta 10 minutos nos casos que vea conveniente. Van acutase 7 o 9 espacios pa la non presencial y 5 pa urxencies, con 45 minutos pa los domicilios y el restu pa preparar esi día, al entamu, y el siguiente, al final.

Nesi sen, Saavedra apuntó que les consultes telefóniques suelen ser curties, lo que pue facer ganar tiempu pa que’l profesional encaxe la so axenda de la manera que considere. Con respeuto a los pacientes, reclamóse puntualidá y qu’acudan con acompañante namái naquellos casos que sía absolutamente necesario.

La xerente tamién aseguró que la demora n’atención ta en menos de dos díes nel 72 por cientu de centros de salú, qu’en pediatría llega al 97 por cientu. Pa tratar de reducir los tiempos qu’afeuta a esi 28 por cientu de casos va facese apertura de tarde naquellos ambulatorios que sía necesario.

Contador Estadistiques