El saxofonista Adrzej Olejniczak actua mañana en Xixón

El local xixonés El Barucu na Cai Almacenes de Xixón ufierta mañana xueves un conciertu del saxofonista Adrzej Olejniczak, que va tocar xunta una banda que fai albidrar una bona sesión de jazz mañana pela nueche na Villa de Xovellanos.

Adrzej Olejniczak ye un saxofonista polacu que combina la so actividá artística cola de profesor de clarinete y saxofón en Leioa y Bilbo dende 1984. Nome de gran prestixu na escena del jazz español, tien acompañao a músicos como Tete Montoliu, Iñaki Salvador o Gerry Mulligan, trabayando tamién con grupos de la escena pop como Mecano, La Orquesta Mondragón o Manzanita. Pa saber más de d'esti gran músicu lo meyor ye visitar la so páxina web. Xunta Adrzej van tar tamién un riestra de músicos de gran nivel como Jose Ramón Feito al pianu y Félix Morales a la batería, nomes conocíos de sobra y reconocíos nel mundu del jazz, amás d'Horacio García col contrabaxu, prometedor músicu que tamién trabaya nel mundu del folk en grupos como N'Arba o Tejedor.

El conciertu va ser mañana 7 d'abril a les 22:00 hores nel chigre xixonés El Barucu, que ta na cai almacenes. La entrada ye de baldre y ye una ocasión de sentir de forma cercana lo meyor del jazz.