El San Patriciu más asturianu

La comunidá irlandesa en tol mundu celebra güei el día de San Patriciu, fiesta nacional d'Eire. Por primer vegada, esti añu una delegación asturiana ta convidada a participar nel desfile de San Patriciu de Nueva York.

La 244 Parada Anual del Día de San Patriciu que se celebra güei en Nueva York ye l'eventu más multitudinariu que se celebra en tol mundu con motivu de la efeméride d'esti santu irlandés. Convidaos pola organización del acontecimientu en calidá de nación atlántica, hermandá cultural de raigón celta, una delegación asturiana encabezada por representantes de la Conseyería de Xusticia y Rellaciones Esteriores y acompañaos d'una banda de gaites asturianes iguada pola Banda de Gaites de Corvera d'Asturies y la Banda de Gaites de Gozón, participa güei nel desfile de la 5º Avenida de la ciudá americana no que ye l'actu central d'un viaxe d'una selmana que los representantes asturianos tan pasando en contactu colos emigrantes asturianos en Nueva York


Van ser en total cerca de seyes decenes d'asturianos y asturianes, vistíos dafechu col traxe del país y les enseñes asturianes los que van desfilar como país celta convidáu nun desfile que ye muncho más conocíu y antiguu, por poner un casu, que'l Desfile de la Hispanidá y nel que participen más de cien mil persones.


Más información en: Saint Patrick's Day in New York Saint Patrick’s Day Parade.com yCentro asturiano de Nueva York