El saltu de Grandas y el futuru del Navia en "Entrambasauguas"

Con artículos sobre los temes más diversos preséntase'l númberu 21 de la revista "Entrambasauguas" publicación de la Secretaría de l'Academia de la Llingua pal Navia-Eo que dirixe Xosé M. Suárez Fernández. El nuevu númberu de la revista incluye artículos de Miguel Ángel Pérez sobre los 50 años del saltu de Grandas, la historia del empresariu conserveru tapiegu Manuel Fernández Casariego contada por Felix Martín, la fin de la tradición de la matanza de los gochos vista por Everardo Fernández, un resume de los 21 años de la Noite Celta de Porcía, o l'arquitectura popular, ente otros temes, siendo l'artículu más llargu d'esta entrega de la revista pa Fredo de Carbexe y Benxamín Menéndez, que faen una interesante aportación desde la so perspectiva de xeógrafos sobre les estratexes de desarrollu pal valle del Navia.

Entrambasauguas viéndese en quioscos de Nava, Xarrio, A Caridá, Tapia, Castropol, A Veiga, Bual y O Chao y nel restu d'Asturies al traviés de llibreríes especializaes en Xixón Uviéu y Avilés.