El salariu mínimu interprofesional xube a 1.080 euros

|
Pedro Sánchez

El presidente del Gobiernu estatal, Pedro Sánchez, dio esta anuncia nel Senáu que cuenta col apoyu de los sindicatos pero non de la patronal, que nun acudió a los conceyos.

"Vamos aprobar una xuba nueva del salariu mínimu interprofesional del 8 por cientu pa llegar a los 1.080 euros", en 14 pagues con calter retroactivu dende'l 1 de xineru, avanzó'l socialista nel Plenu de la Cámara Alta pa informar sobre les midíes adoptaes pol Executivu. "Con ello cumplimos un compromisu de llexislatura, que creo qu'amás ye un deber de la democracia colos trabayadores y coles trabayadores del nuesu país, y ye asitialo, como diz la Carta Social Europea, nel 60 por cientu del salariu mediu español", siguió.

Esta decisión del Gobiernu llega llueu d'aconceyamientos del Ministeriu de Trabayu colos sindicatos, a los que nun se presentó la patronal, que refuga l'aumentu. La Confederación Española de Organizaciones Empresariales (CEOE) amosara previamente la so disponibilidá de negociar una medra del 4 por cientu, hasta los 1.040 euros.

Semeya de Pool Moncloa/Fernando Calvo.

Contador Estadistiques