El Sacavera Sound entama trés folixes d'autoxestión

La primer d'elles va celebrase en Bimenes.

El Sacavera Sound, festival de poesía, verbena y psicodelia con sede en La Pola Siero, prepara yá la edición del 2018. Pa financiar el certame d'esti añu tien previstu l'entamu de trés sesiones baxo'l nome de 'Sacavera sessions', con entrada llibre y la posiblidá de collaborar nel bote instaláu al efeutu.

Mañana, a les 19.30 hores, va comenzar la primera, nel chigre La Campa San Xuan, nel conceyu de Bimenes a camín de Samartín del Rei Aurelio. Los asistentes van poder disfrutar d'Ún de Grao, Chino El Indio y Pablo X. Suárez, David Suárez 'Suarón' –que presenta 'Ya lo dijo Gilgamesh'–, Dani Stylo y Nochnepiche Esbilla.