El RIDEA dedica conferencies a Viyao y a González Rubín

Van poneles estos dos xueves Yolanda Cerra y Taresa Fernández Lorences dientro del ciclu 'Dos pioneras del oriente de Asturias'.

El salón d’actos del Real Instituto de Estudios Asturianos (RIDEA) va acoyer estes intervenciones dedicaes a estes dos muyeres y el so llabor. La primera va celebrase esta tarde a les 19 hores baxo’l títulu ‘La primera antropóloga asturiana. Purificación Viyao Valdés y su trabajo sobre el oriente de Asturias’, que va poner Cerra, miembru correspondiente del RIDEA, sobre l’autora autora de la primer obra d’antropoloxía d’Asturies, ‘Datos antropo-etnográficos de la parte oriental de Asturias. El hombre y el medio (1920)’.

El xueves viniente, a la mesma hora, va ser el turnu de Lorences, profesora de la Universidá d’Uviéu, que va dar la charra ‘Los primeros textos narrativos en asturiano. Enriqueta González Rubín y su obra’. ‘El viaxe del tíu Pacho el Sordu a Uviedo’, del 1875, firmada pola prosista de Santianes, que ta acabante de recibir el reconocimientu del Conceyu de Ribeseya de dar el so nome a la biblioteca municipal, ye la primer novela conocida escrita en llingua asturiana.