El PSOE vuelve a ganar unes elecciones xenerales 11 años dempués

Al 61,21% del escrutiniu, el Partíu Popular pierde la mayoría al favor del PSOE, que ta camín de consumar un reblagu históricu nunes elecciones nes que nun partia, nin con muncho, de favoritu. Según l'escrutiniu provisional, el PSOE sacaría 165 escaños y el PP 144.

El PP pinta que va ser el gran perdedor de la nueche, y según s'entamó a contar va aumentando la diferencia ente PSOE y PP al favor de los primneros, pero onde la cosa pue rematar n'hecatombe electoral ye n'Izquierda Xunida, que pue pasar de 9 escaños a 5. Ente los partíos nacionalistes del estáu, el BNG recula hasta quedar con dos escaños, mientres qu'en Cataluña CIU recula de 15 a 10 y ERC xube espectacularmente de 1 a 8 escaños, penriba de lo que-y daben les encuestes. Ente los partíos vascos, el PNV caltién la so representación, lo mesmo que Eusko Alkartasuna, mientres que per Navarra, Nafarroa Bai algamaría l'escañu. N'Aragón, la Chunta aguanta l'escañu y hasta xube en votu