El PSOE ofrezse a negociar con IX-BA-LV un pautu de gobiernu

La Federación Socialista Asturiana (FSA-PSOE) apautóse esti xueves dempués de la reunión de la so Comisión Executiva en pidir a IX-BA-LV entamar negociaciones pa buscar un posible pautu de gobiernu que-y de"estabilidá" al Gobiernu asturianu na llexislatura qu'entama. El secretariu xeneral de la FSA-PSOE, Javier Fernández, aclarió que les negociaciones nun van partir de dar por fecha la entrada de la coalición en gobiernu o que'l pautu namás cinque al ámbitu parlamentariu, entamando primero pela posibilidá de poner en común propuestes y programes pa pasar darréu a tratar esa posible entrada d'IX-BA-LV nel executivu.

Tocante a les cuestiones que la formación de Jesús Iglesias planteare como irrenunciables, casu de la oficialidá del asturianu o'l banzáu de Caliao, Fernández declaró que nun diba pronunciase sobre nenguna cuestión que fuere innegociable y si sobre cuestiones d'interés xeneral.