El PSOE ganaría les eleiciones según la encuesta del CIS

El PSOE tornaría a ser el partíu más votáu n'Asturies, anque perdería trés escaños, según la encuesta última del CIS. Na madrugada d'esti vienres entama la campaña eleutoral.

Javier Fernández repetiría como presidente del país, anque necesitaría buscar apoyos pa ello. El PSOE algamaría una estimación de votu del 25,5 por cientu (13 escaños), siendo la segunda fuercia'l Partido Popular, con 11 escaños (10 anguaño) y un porcentaxe del 19,9 por cientu. Podemos llegaría al 21,4 por cientu, pero'l fechu de tar el país dividíu en trés circunscripciones reduciría'l so númberu de diputaos a 10. Foro sería'l partíu que viviría un mayor descensu, pasando de 13 a 5 escaños, con un 10 por cientu de los votos.

Tamién entraría na Xunta Xeneral Ciudadanos, con 4 escaños (10,6 por cientu), quedando fuera UPyD al sumar una estimación de votu del 2,2 por cientu. Izquierda Xunida viviría un descensu, perdiendo trés diputaos al quedar en 2 (6,7 por cientu). Otros partíos repartiríanse un 1,2 por cientu del total, mentes que 2,5 por cientu votaríen en blanco.