El PSOE d’Uviéu quier que l’Ayuntamientu defenda un monolitu n’alcordanza de los afusilaos na Guerra Civil

El Grupu Municipal Socialista d’Uviéu presentó una proposición pa que’l conceyu sofite la construcción d’un monolitu nel cementeriu civil de reconocimientu a los asturianos afusilaos na Guerra Civil. Según el PSOE uvieín, esta proposición, que nun diba suponer un gastu de más de 12.000 euros, respuende a lo que pidiera l’Asociación de Familiares y Amigos de la Fosa Común de la capital asturiana, onde hai enterraes más de 1.300 persones afusilaes nel mesmu cementeriu, na cárcele o n’otros llugares de la ciudá.