El PSOE aumenta la distancia col PP a pesar de la llegada de Casado, según el barómetru de setiembre del CIS

El Centru d’Investigaciones Sociolóxiques (CIS) ta acabante de dar a conocer l’avance de datos del barómetru de setiembre. El PSOE sería la primer fuercia estatal, con un 30,5 por cientu d’estimación de votu, con diez puntos de ventaya col Partido Popular (PP).

La llegada de Pedro Sánchez al Gobiernu consolida a los socialistes como los primeros n’intención de votu, pasando del 29,9 por cientu del estudiu de xunetu a un 30,5 por cientu. El PP fraya l’empate, con un 20,4 por cientu, con Ciudadanos, rexistrando un pequeñu ascensu tres la llegada de Pablo Casado a la presidencia del partíu (20,8 por cientu), anque insuficiente pa recortar col PSOE.

La formación naranxa baxaría a un 19,6 por cientu, mentes que quedaría como cuarta fuercia Xuníos Podemos y les son confluencies con un 16,1 por cientu, rexistrando un aumentu de mediu puntu con respeuto al barómetru últimu. Esti estudiu ta fechu ente’l 1 y el 11 de setiembre a 2.972 ciudadanos.