El programa Asturies Moza Cooperante ufierta 14 places en 8 países

Pueden participar persones con edá ente los 22 y 31 años que tean empadronaos nel país.

L'Axencia Asturiana de Cooperación al Desarrollu entama una edición nueva del programa Asturies Moza Cooperante, que dende'l 2017 tuvo trés ediciones nes que participaron 35 xóvenes. Ésti busca promover "la cultura de la solidaridá internacional y la conciencia de ciudadanía global ente la mocedá", pa lo qu'ufierta estancies temporal en países onde ONGs desendolquen proyeutos de cooperación.

En total son 14 places n'ocho estaos: El Salvador con Fundación Mujeres; Colombia (cuatro places) con Soldepaz Pachakuti, ISCOD, o Pueblo y Dignidad (2); Senegal (dos places) con LATE Asturias; Hondures con Medicusmundi Norte; Guatemala con Seronda; Bolivia (dos plazas) con Arco Iris; Cuba con ISCOD; y República Dominicana (dos places) con FUDEN. Los participantes, que tienen hasta'l 19 d'abril pueden solicitar la so participación, van recibir una cantidad económica destinada a financiar el viaxe, l'agospiu, manutención, seguros y otros gastos derivaos de la estancia.

Na semeya, agradecimientu a Asturies presente n'Omoa (Hondures), onde Medicusmundi Norte tien en marcha un proyeutu de cooperación col sofitu de l'Axencia Asturiana de Cooperación al Desarrollu nuna visita de la direutora Beatriz Coto al llugar en xineru.