El Principáu va informar de los resultaos electorales en tiempu real

El Principáu d'Asturies presentó esta mañana'l portal oficial nel que va poder seguise tola información oficial sobre les elecciones autonómiques y municipales del prósimu 25 de mayu. El portal especial inclúi tola información llegal sobre'l procesu electoral y atropa documentos y enllaces d'interés como les llistes electorales o los resultaos d'años anteriores. Según s'anunció, el portal va permitir seguir en tiempu real, los recuentos de votos el día de les elecciones, una información de la que yá disfrutemos nes elecciones del 99 pero al través del web del Institutu Nacional d'Estadística.