El Principáu va acorripiar al llobu en Tinéu

La presión de los sindicatos ganaderos, que lleven selmanes quexándose de la cantidá d'ataques del llobu al ganao, sobremanera nos conceyos del occidente, cuayó ayeri nel compromisu del Principáu de facer una mayor presión sobre la especie.

El Conseyeru de Mediu Ambiente, Ordenación del Territoriu y Infraestructuras, Francisco González Buendía, y el Director de Recursos Naturales Cristino Ruano, tuvieron ayeri una xunta col Alcalde de Tinéu y responsables de sindicatos na que s'analizó'l Plan de Xestión de la especie. Tinéu, onde la otra selmana los guardes cazaron un perru y un llobu, va ser precisamente'l conceyu onde se pongan más controles y se faigan más batíes contra la especie, centrándose l'acción na Sierra'l Cuera y na Curiscada. L'otru de los compromisos a los que se llegó ayeri na xunta foi'l d'acelerar el pagu de les ayudes polos ataques, xubiendo la partida acutada pa les ayudes "lo necesario".