El Principáu pon una asistente social en Bonos Aires

L'Axencia Asturiana d'Emigración de la Conseyería de Xusticia, Seguridá Pública y Rellaciones Esteriores del Gobiernu Asturianu ta acabante de poner en marcha'l "Serviciu d'Atención a los Asturianos que viven n'Arxentina", un serviciu que ta al cargu de la Trabayadora Social Rosana Vega García y qu'ofrez servicios d'apoyu y asesoramientu a asturianos asitiaos nel país del Plata, apurriendo información y orientación sobre les problemátiques sociales, executando los programes del Principáu d'Asturies y ayudando a facer cualquier trámite que se precise. Pa falar cola asistente ye preciso acutar cita na sé social del Centru Asturianu na cai Solís 475 (1078) de Bonos Aires (tlf 4383 5122) de llunes a xueves de 9 a 14 hores, mientres que los vienres pue contase colos sos servicios nel mesmu horariu nel Centru Asturianu "Covadonga" na Avenida del Libertador 1081