El Principáu pon otros 6 millones pa llevar el cable a les cuenques

El conseyu de Gobiernu del Principáu d'Asturies dio de pasu una partida de 6 millones d'euros pal proyectu de desarrollu de la rede de cable de telecomunicaciones nes cuenques mineres.
Esta cantidá tien d'amestase a los 7,5 millones aportaos pol Gobiernu asturianu con cargu al Plan Complementariu de Reactivación de les Comarques Mineres y a los 6 millones que ya taben puestos per aciu d'un conveniu col Institutu del Carbón.

Con too ello, la cantidá global destinada al desarrollu del cable nes cuenques mineres ye de 19,5 millones d'euros, cerca de 3.200 millones de les antigües pesetes.

Dende'l principáu preséntase'l proyectu como un plan pa furnir a les cuenques mineres del Caudal, Nalón y Narcea d'una rede de banda ancho que llegue a la mayoría de cases particulares y empreses, apurriendo l'accesu a servicios avanzaos de telecomunicaciones a estes comarques.