El Principáu mata un llobu na Sierra'l Cuerra

Según comunicáu de la Conseyería de Mediu Rural, esta selmana, y dempués de dellos díes de trabayu, los Guardes Rurales de la Conseyería mataron un exemplar de llobu na Sierra'l Cuera, en Conceyu Llanes. La Conseyería sorraya que la muerte del llobu faise en cumplimientu del Decretu qu'aprobó'l pasáu 30 de xunu'l Plan de Xestión de la especie, y qu'incluyía controles especiales pa la parte del Cuera

L'anuncia del abatimientu del llobu faise al día dempués d'unes declaraciones de la Conseyera de Mediu Rural Servanda García, quien nel marcu de la presentación d'un llibru sobre la desamortización en Cangues d'Onís defendió los controles de población del llobu en Parque Nacional de los picos d'Europa, calificando de "incompatible" la convivencia d'esta especie col llabor del pastor. Al mesmu tiempu, les declaraciones de la conseyera veníen tamién al rau de la denuncia d'un pastor d'Onís, que declaró que trés llobos lu atacaren na mayada de Fuentes.