El Principáu estrena un web d'arqueoloxía

Cola posibilidá de reservar entrades on-line pa visitar la Cueva de Tito Bustillo en Ribesella de banderín d'enganche pa llamar al internauta, el Principáu estrenó esta selmana un web temáticu sobre yacimientos arqueolóxicos n'Asturies. Los conteníos d'esta páxina abarquen del paleolíticu a la edá del fierro, axuntando una llista de los yacimientos más importantes de cada periodu y un mapa p'alcontralos, pero entovía nun tien descripciones detallaes de caún d'ellos, cosa que tendrá que facese d'equí a dientro poco. De momentu, sacantes dellos exemplos importantes como'l Castru de Cuaña o la Cueva de La Peña de Candamo, que sí que vienen desplicaos en detalle, namás un testu curtiu coles característiques de cada época acompaña les estremaes estayes del web.

Contador Estadistiques